¿Facebook n’asturianu?

“Anotamos la suxerencia d’añadir l’asturianu a les llingües disponibles”. Esta ye la contestación de los responsables de Facebook al pidimientu d’un usuariu.

L’usuariu, responsable del grupu “We Claim a Facebook language option for astur-leonese”, tres dirixise a la opción de notificación d’errores de codificación de la rede social, recibió un mensaxe n’inglés onde se-y informaba que “l’asturianu nun ye anguaño una de les llingües disponibles dientro del grupu de traducciones. Anotamos la so suxerencia d’añadir l’asturianu a les llingües disponibles y tomarémoslu en consideración”.
 
Na rede social, esisten dellos grupos qu’esixen Facebook n’asturianu, el yá citáu con alredor de 300 miembros, y el más numberosu “Queremos Facebook n'asturianu! We want Facebook in Asturian!”, que s’avera yá a les 3.000 persones. Tamién tán “Por un facebook tamién n´Asturianu”, con menos de 100 miembros y el recién creáu “A mi en facebook prestame usar l´asturianu”, que supera n’almiradores al anterior.
 
Anguaño, Facebook tien ente les sos llingües d’usu idiomes minoritarios oficiales como’l gallegu, vascu, catalán o quechua, inclús la llingua sami de Laponia, con menos de 15.000 falantes, ta ente los idiomes de la rede. Tamién tán llingües muertes como’l llatín o artificiales como l’esperantu, la llingua de Spoke, la fala de lletres y númberos o l’inglés de los pirates.
 
Asturies reivindícase en Facebook
Les redes sociales nun falen asturianu
Ximiélgame.net, una rede social n’asturianu