El Bloque solidarízase con Pepe El Ferreiro
|
31 Xineru, 2010 por Damián Barreiro
- Inicie sesión o rexístrese pa espublizar comentarios
El Bloque vien d’amosar la so solidaridá con Pepe ´l Ferreiro y reconoce-y públicamente’l trabayu que fexo pol Muséu de Grandas y pola cultura del occidente.
El Bloque por Asturies camienta que'l so compromisu y valir con Asturies y col occidente del país "ye incuestionable". La organización considera “llamentable” l’actitú del PSOE a la hora de cesar a Pepe El Ferreiro, “y nun tenemos nenguna dulda que ye una cuenta pendiente d’hai bien d’años por motivos namás que políticos”.
El Bloque camienta que’l PSOE tendría que tener más altor de mires y preocupase poles coses que son importantes pal nuestru país, “los méritos y el valir demuéstrense col trabayu y los fechos y non con tener el carné del to propiu partíu políticu”, señalen.
El partíu quier tamién facer una reflexón de cómo se tán tomando les decisiones na xestión cultural en xeneral y a la hora de nomar a los direutores de los museos en particular, “en munchos casos usando’l mieu y casi siempre con poca tresparencia”, afirmen.
Efrén d'Andrés
Lo + visto de la selmana
Comentarios
Ye una vergoña lo que el PSA fai con Pepe el FERREIRO, tresparecia non la tienen mas que pa lo que quieren!!
Ta perclaru ,que van poner a xantar del duernu ...A un del partiu de ellos,Que non preste ye lo mesmu.Asina tan toes les coses n'Asturies
Si fexeren el trabayu d'Asturies ,que tanta falta fai, meyor seria.. Pero el Bloque ta con ellos n'gobiernu!! que facen??
Ye mui importante que tola xente que tea zarrando la so relación cola Caxa que votó a favor d'echar a Pepe, esplique los motivos de la so decisión a la hora anular les sos cuentes y operaciones (cartilles aforros, docimiciliación nómines, pagos, recibos...)
Gabis