La esquierda abertzale promoverá l'alianza del independentismu

El voceru de la esquierda abertzale, Tasio Erkizia, anunció van tentar d'unir fuerces, "promoviendo una alianza, filando y creando esa rede social de collaboración y trabayu en común, en pro de la soberanía".

Afirmó amás qu'Eusko Aldartasuna tien "conocencia y músculu políticu bastante" pa facer frente a les "presiones" que, al so xuciu, tán produciéndose dende distintos ámbitos col oxetivu de que nun se dea una unidá d'aición cola izquierda 'abertzale'.
  
"Ellos son mui conscientes del camín que van adoptando y van esbrozando. Nun ye un camín nada fácil y, pro, creo que na so honestidá, na so fuerza y coherencia, al serviciu d'esti puetlu", señaló.
  
En declaraciones a Info7, Erkizia denunció "les amenaces" que se dirixen a EA "dende los propios xueces, de los políticos y de la Conseyería d'Interior, nuna manera descarada de tentar de torgar la llibertá d'espresión y la llibertá del movimientu de los partíos políticos".
  
"Ellos nun creen evidentemente na democracia, nel pluralismu. Lo único que faen ye imponer una idea d'España", reprochó, p'añadir que "quieren afogar a les fuerces polítiques d'Euskal Herria qu'apuesten pola independencia d'esti pueblu, y pa eso, usen tou tipu de falcatrúes". "Ye un escándalu les presiones y les amenaces que se tán llanzando", insistió.
 
El dirixente 'abertzale' mostróse convencíu de que, tanto n'Aralar como nel PNV, "hai muncha xente indepententista". "Tamos convencíos de qu'en toes eses formaciones hai xente qu'aspira a servir a esti pueblu, y con toa firmeza y honestidá van facer una apuesta coherente", acabó.