Xuventú Asturianista pide la dimisión de Montes Estrada
|
27 Xineru, 2010 por Damián Barreiro
- Inicie sesión o rexístrese pa espublizar comentarios
Xuventú Asturianista quier la dimisión del Conceyal de Cultura y Llingua de Xixón, Jesús Montes Estrada, pola so “falsedá política y hipocresía” cola llingua asturiana.
Les mocedaes del Partíu Asturianista señalen que Montes Estrada participa nun ayuntamientu que refuga la llingua, “mientres organicen la gala “Xixón fala n’asturianu” al traviés de la so Conceyalía”. Del mesmu mou, señalen la inutilidá del so cargu "yá que l’Ayuntamientu nun usa la toponimia y nun fai un usu real del asturianu”.
Tamién recuerden que fai más d’un mes, un ciudadanu foi “despreciáu y humildáu" por usar l’asturianu na alministración xixonesa, “vulnerando la Ordenanza Municipal d’Usu del Asturianu aprobada por ellos mesmos”, señalen.
Pa Xuventú Asturianista, cola gala “Xixón fala n’asturianu” intenten “vender” lo muncho que fai pol asturianu’l Conceyu. Poro, piden la dimisión de Montes Estrada de la Conceyalía de Cultura y Llingua Asturiana y animen a los ciudadanos que realmente tienen afeutu a l’asturianu a manifestase contra esti tipu d’actos “que solo valen pa xustificar la pésima política llingüística que lleven alantre”.
Efrén d'Andrés
Comentarios
Asina ye non facen el minor casu de la toponimia, nin de nada!!Tou ye una burlla y falseda,entamando per l'Alcaldesa que non usa l'asturianu pa nada ,una vergoña que xente asina fagan politica n'Asturies!!
Animu Xuventu Asturianista!! Tamos con vos.
La historia política d'esti individuu ye la de dexar tiraos siempre a la xente cola que se compromete. Entrugái-yos a los vecinos de La Calzada por él y veréis lo que contesten. Acaba ingresando nel PSOE primero o dempués.