El Principáu nun tien recursos pa mantener les ayudes al automóvil

El presidente d'Asturies dixo que les ayudes a la compra d'automóvil diéronse con carácter "contestual y puntual" nel 2009 pa reactivar la demanda. Poro, anunció que será "imposible" qu'éstes continúen de manera permanente porque los ingresos "nun lo permiten".

Areces pronuncióse nestos términos demientres la so visita al conceyu de Siero, onde esclaró, amás, que l'asuntu nun taba nel orde del día del Conseyu de Gobiernu y igual se reflexone sobe'l mesmu "nes próximes selmanes".

Pel momentu, el xefe del Executivu valoró los resultaos collechaos por Asturies en virtú d'esta midida, que tornó nun incrementu de la demanda del 5 por cientu, frente a la cayida nacional de 17 puntos porcentuales. "Algamamos que n'Asturies la demanda meyorare nun 5% y foi casi una de les poques comunidaes autónomes que tuvo creciendo", destacó.
 
Areces consideró qu'esti añu 2010 será "dificilísimo" porque Asturies cuenta con un presupuestu "axustáu". "Quixéremos tener munchu más dineru públicu pa facer más ayudes y más actuaciones, pero hai que ser realistes", dixo.