Concursu de Semeyes La Sidra

El próximu vienres 22, na Sidrería La Galana (Pza Mayor –Xixón), a les 6 de la tarde, tendrá llugar la entrega de premios del 3er Concursu de Semeyes La Sidra, entamáu pola revista del mesmu nome, asina como la inaguración de la esposición de les 20 semeyes pre-seleicionaes pol xuráu, compuestu polos fotoperiodistes: Xurde Margaride (La Voz de Asturias), Luis Sevilla (El Comercio), Ángel González (La Nueva España), Juan Carlos Tuero (Fotógrafu d’Estudiu y ex presidente de la Asociación de Fotoperiodistes Asturianos) y Jose Ramón Navarro (Direutor del estudiu academia “La General Fotógrafos”)
El xuráu decidió premiar les semeyes que vienen darréu:
 
1er Premiu: Sidra en San Xuan. Autor: Pedro Romero Moya.
2u Premiu: Refrescando. Autora: Maite Beistegui San Ildefonso.
3er Premiu: Manos Manzanas. Autor: Kike Matas.
 
La esposición que se nagurará nel momento de la entrega premios recueye estes obres, asina como otres 17 que’l xuráu quixo destacar pola so calidá y que se presentarán nun formatu de 50 x 70 cm, tando espuestes na refería Sidrería La Galana demientres tol mes de febreru.