"Cacabos d'adoquín" y "Les vides incompletes" na Casa Posafuelles

Suburbia Ediciones presenta "Cacabos d'adoquín" d'Iván Cuevas y "Les vides incompletes" de Xandru Fernández. La cita ye'l martes 26 de xineru a les 20.00 hores na Casa Posafuelles. Intervendrán Mara Cueto, Iván Cuevas y Xandru Fernández.
 
Poemariu ganador del Premiu Xuan María Acebal 2008, ye'l regresu pela puerta grande de Xandru Fernández a la poesía. Les vides incompletes pretende ser un recuentu d’esperiencies significatives, munches d’elles truncaes pola muerte o la edá, al tiempu qu’un catálogu irónicu d’opiniones intempestives. Baxo l’advocación de Pasolini y Auden, la poesía dialoga equí con temes prosaicos, d’a diario (la monarquía, la memoria histórica), ensin perder por ello l’aspiración de perdurar

Mientres que "Cacabos d'adoquín" ye una reflexón a pie de cai sobre’l poder de la poesía, sobre les lluches y los enfotos nos que’l poema s’implica y sobre les zunes y los ídolos de barru llevantaos pola sociedá post-industrial son dalgunos de los temes que se traten nesti poemariu. En cierta midida, “Cácabos d’adoquín” tien muncho de recapitulación sobre’l valor de cada pallabra nel nuevu mileniu, señalen los editores.