Alemaña y Francia desaconseyan l’usu de Microsoft

Los gobiernos europeos d’Alemaña y Francia, al traviés d’organismos públicos especializaos nes nueves tecnoloxíes, desaconseyaron l’usu d’Internet Explorer de Microsoft polos problemes de seguridá que pue trayer.

Per un llau, l’alemana Oficina Federal pa la Seguridá de la Información (BSI) lo fixo depués de que la propia compañía estaunidense reconociese que los fallos nel so restolador foron los causantes d’unos ataques a Google.
 
Mientres que’l CERTA, centru francés especializáu nos ataques informativos, recomendó l’usu de restoladores alternativos al de Microsoft mientres nun meyoren el so sistema.
 
La compañía yá refugó’l conseyu de la oficina alemana y esplicó que los posibles problemes puen solucionase reforzando la configuración d’Internet Explorer. Microsoft cuenta sacar la próxima actualización de seguridá’l 9 de febreru.