Naz la páxina "Los viaxes de Trassg"

Xosé Ramón Martín Ardines y Anxan Martín Arango son los autores de "Los viaxes de Trassg" una nueva páxina n'asturianu pa neños y neñes que se presentara'l pasáu 20 de payares na Casa de la Xuventú de Samartín del Rei Aurelio, cola presencia de la conceyal de Cultura Gema Suárez Torre.
Como nos cuenta la propia páxina, la historia de Trassg, un trasgu que paez un muñecu, entamó nel momentu nel que "una neña entró na tienda onde vivía y lu compró, entós entamó'l viaxe qu'él mesmu nos cuenta" pente medies d'unos prestosos comics, xuegos, nociones sobre mitoloxía asturiana y el resumen de los talleres de tebéu en centros escolares a los que da llugar la iniciativa.