Los Verdes piden que se prohiba la caza pol temporal de ñeve
|
9 Xineru, 2010 por Damián Barreiro
- Inicie sesión o rexístrese pa espublizar comentarios
Los Verdes d’Asturies solicitaron a la Conseyería de Mediu Ambiente la suspensión de la caza en tol país mientres dure’l temporal de fríu y ñeve. Según la organización, con esti tiempu, los animales avérense a la franxa marítima facilitando la llabor de los cazadores.
Según los ecoloxistes, el temporal fai que los animales s’averen a zones más humanizaes pola falta d’alimentu y les baxes temperatures, “colo que la ventaxa del cazador sobre l’animal desanicia cualesquier migaya de deporte, nin garantiza que nun s’estermine dalguna población animal”. A esto, sumen la debilidá de les aves migratories que lleguen estos díes fuxendo del fríu estremu d’otros llares.
Los ecoloxistes recuerden que según l’artículu 46 del reglamentu de Caza, ta prohibíu cazar onde cubriera la ñeve, y na costa hai una elevada concentración d’animales por mor del mal tiempu. Del mesmu mou, señalen qu’en Cantabría yá se prohibió la caza.
Efrén d'Andrés
Comentarios
Nun entiendo la noticia. Como bien diz el reglamentu nel so artículu 46 "ta prohibio cazar cuando ta cubierto de ñeve". Ye dicir, que aunque parare´l temporal, si nun se quita la ñeve, seguiría tando prohibio cazar, tanto la caza mayor como la menor.
Munchos cotos d´Asturies sospendieron les baties y la caza menor coles primeres nevaes de navidá y siguen sin cazar a día de güey, sobre todo los del sur lindándo colos picos porque nun se quitó la ñeve, y el restu cotos sospendieron les caceries coles últimes nevaes. ¿Cómo se pue prohibir algo que ya ta prohibio?. Los cazadores somos los primeros en conocer la Lley y respetala. Hasta que nun se quite la ñeve nun podemos cazar, nun tien que venir a contárnoslo nengún "Verde".
Per otra parte, el que nun se pueda cazar veolo como un problema más que como algo positivo. Como tol mundu sabe la población de caza mayor ta multiplicándose, xenerando problemes non ya de seguridá vial nes carreteres, sinon medioambientales, alterando ecosistemas, desplazando otres especies... si nun se controla ponemos en peligru´l propiu habitat. Un exemplu claru ye el peligru que supon el Venao colos Urogallos, a los cuales desplaza del so habitat, sin que se tomen medies pa remedialo. Al añu solo se caza durante 6 meses, si se quita un mes por nevaes, se altera el control programau poles sociedaes de caza pa que exista un equilibriu... y llueu lleguen los ganaderos a protestar...