La Coḷḷá Propinde presenta’l so tercer trabayu discográficu

El grupu de folk-fusión de Pola Ḷḷena La Coḷḷá Propinde, espubliza “A teyavana”, el so tercer trabayu discográficu. Ye un discu con 12 temes, onde se combinen los de reellaboración tradicional y los de composición propia del grupu, que van presentar el 29 de xineru na Fnac de Parque Principáu.

Según indiquen el discu tien unos sones “allugaos a los cuatro vientos, como si d’ una nueche de branu se tratara, componiendo idées al rellumu de les estrelles filtráes nel llar baxu les ripies y les teyes del cumal, dormir, suañar a teyavana, col cielu rasu ente les teyes”.
 
El discu grabose nos estudios TUTU ente mayu y setiembre, cola producción de Sergio Rodríguez y Ánxel González y cuenta cola collaboración d’Esther Fonseca, que pon voz al cantar “2417”.
 
Ente la biografía de La Col.lá Propinde, destaca el premiu al meyor cantar n’asturianu nel añu 2003 por “L’emigrante”. Nel añu 2009 fueron banda sonora de la serie de Antena3 “Doctor Mateo”.