Suatea critica’l gastu enerxéticu d’abrir los colexos l’ocho de xineru

El sindicatu Suatea vien de criticar al Gobiernu asturianu por abrir los colexos ya institutos l’ocho de xineru, “col gran gastu en calefacción, asina como’l de tresporte y comedor pa poner en marcha los colexos namás nun día ivernal”. Dende’l Sindicatu señalen que ye una actuación contra’l profesoráu y la comunidá educativa.

Pa Suatea ye una falta de planificación, “propia de quien desconoz la realidá educativa”, y señalen que nun se trata de tener más o menos vacaciones, “sinón que’l calendariu escolar sía ellaboráu d’alcuerdu con criterios racionales educativos, pero tamién teniendo en cuenta’l gastu enerxéticu”.
 
Según señala’l sindicatu, munchos centros taben güei vacios, mientres que muncha xente se xugó’l tipu nes carreteres “tres que’l gobiernu nun escuchara les propuestes del profesoráu”.
 
Ayeri, según Suatea, Asturies foi una de les poques comunidaes autónomes na que l’ocho de xineru foi llectivu, a pesar de la propuesta del sindicatu pa que pasara la contrariu.