Bloque por Asturies critica la falta de midíes ante'l temporal y pide que se tomen precauciones pa los próximos díes

El Bloque por Asturies del Nalón considera "inasumible" la falta de midíes ante'l temporal de los útlimos díes y cree que la Conseyería y los Conceyos "nun supieron tar al altor de les circunstancies xeneraes por un temporal previamente anunciáu". De la mesma manera, encamienta a les autoridaes a que tomen les midíes oportunes pa los próximos díes.

Según informó'l partíu nuna nota prensa, el Valle del Nalón sufrió güei "un caos circulatoriu" pol zarru al tráficu del corredor del Nalón, que supunxo pa mnunches persones la imposibilidá d'acudir al so puestu de trabayu o llegar con munchu retrasu a él, teniendo qu'abandonar los automóviles pa garrar el tren, coles consiguientes rebaxes salariales.

Ente lo asocedío, el Bloque por Asturies del Nalón considera que si s'adoptaren les más mínimes midíes preventives esto nun diba asoceder.
  
Son fechos d'esti tipu, según el Bloque, los que lleven a la xente a abandonar la nuesa comarca y, ye por ello, que'l partíu fai un llamáu a les autoridaes citaes pa que nos próximos díes nos que s'anuncia la continuación del temporal s'apliquen les midíes efectives pa evitar el colapsu circulatoriu.