Más de 30 representantes de CiU, Entesa, nacionalistes y Grupu Mistu pidirán estender les llingües cooficiales al Senáu

|

Más de 30 senadores pertenecientes a los grupos de CiU, la Entesa Catalana de Progrés, los Nacionalistes y el Mistu presentarán el próximu martes un documentu qu'ellaboraron conxuntamente de reforma del reglamentu de la Cámara Alta pa facer estensivu l'usu de les llingües oficiales.

Los únicos grupos que nun s'unieron a esta iniciativa, cola que se pretende normalizar l'usu d'estes llingües a tola actividá del Senáu y  non llendase a ciertes dilixencies, fueron el PSOE y el PP. Tampoco se sumaron tolos senadores de los grupos proponentes, sinón qu'hasta agora s'inclúin 34 parlamentarios.

De momentu, les llingües cooficiales sólo puen utilizase na Cámara Alta de manera verbal y na Comisión de Comunidaes Autónomes. Tanto inniciatives parlamentaries como entrugues per escrito tamién puen rexistrase en castellán y nuna llingua cooficial.
  
Según informaron a Europa Press fontes parlamentaries, la propuesta tien l'oxetivu de que los idiomes cooficiales s'almitan en tola "activida normal" de la Cámara Alta, ye dicir, en plenos y la totalidá de les comisiones.
  
En casu de que'l documentu fuera aprobáu, los senadores proponentes, que presentarán la inicaitiva'l martes 12 de xineru ante'l Rexistru de la Cámara, apostaríen por establecer un "periodu d'adautación" a estes llingües, pa dempués estener el so usu a los plenos y comisiones, añadieron les citaes fontes.
 

Contador Estadistiques