IX-BA denuncia un retrasu de diez años na convocatoria pública d'emplegu en Samartín del Rei Aurelio

El Grupu Municipal d'IX-BA del Ayuntamientu de Samartín del Rei Aurelio considera “una auténtica desvergüenza y un escándalu”, el retrasu de diez años na convocatoria d’una plaza de conserxe proveniente de la ufierta d’emplegu públicu de 2001. Del mesmu mou, van presentar una quexa a la Procuradora Xeneral pa qu’afale al gobiernu municipal a iguar l’actuación.

El Patronatu Deportivu Municipal de Samartín del Rei Aurelio convocó una plaza de conserxe proveniente de la ufierta de 2001, por mediu d’una resolución del 12 de payares de 2009 espublizada nel BOE’l 21 de payares. Daqué polo que’l grupu municipal d’IX-BA va pidir desplicaciones al Alcalde y al grupu municipal.
 
Pa la organización resulta dafechu impresentable qu’un conceyu dirixíu y gobernáu pol PSOE, “que diz tar a la contra de la temporalidá de los contratos”, mantuviera mientres toos estos años la eventualidá d’esi puestu y tardara 10 años en convocar la so provisión. Pa IX-BA, esta actuación pon baxo sospecha’l favoritismu la contratación pública d’emplegu nel conceyu.
 
IX-BA recuerden qu’en 2005, l’Ayuntamientu foi recrimináu pol Defensor del Pueblu por una actitú asemeyada en rellación con una plaza d’operariu.