Entama a emitir en Marrucos la primer canal de televisión n'amazigh

El Ministeriu de Comunicación de Marruecos entamó esti pasáu miércoles coles emisiones de “Tamazight”, la primer canal televisivu estatal n’amazigh. La emisora, que se pue sintonizar por TDT en too Marruecos, ta dientro de la ufierta xestionada pola Sociedá de Radiotelevisión de Marruecos.

“Tamazight” emite seis hores de llunes a vienres y diez los fines de selmana, el 70% de los programes son n’amazigh, el restu n’árabe y francés, y la mayoría de programes emítese subtituláu n’árabe.
 
La nueva canal ye xeneralista y tien la misión de puxar pola cultura y la llingua bereber. Según l’últimu censu de 2004, 8,4millones de marroquines (28% de la población) empleguen dalgún de los dialeutos del amazight (el tarifit del Rif, el tamazight del Mediu y Altu Atles o’l tachelit del Souss Massa Draâ).