Celébrase n’Arxentina’l primer matrimoniu gai de Llatinoamérica

Alex Freyre y José María Di Bello convirtiéronse ayeri llunes na primer pareya gai en contrayer matrimoniu en Llatinoamérica. Yá lo intentaran el pasáu 1 d’avientu, día mundial de la llucha contra’l sida, enfermedá de la que los dos son portadores, pero la xusticia impidiólo nel últimu momentu.

La boda foi na localidá d’Ushuaia, en Tierra de Fueu, onde la gobernadora de la provincia, Fabiana Ríos, autorizó l’enllaz. La pareya espera que nun haya nueves oxeciones xudiciales y que seya’l primer pasu pal reconocimientu de les pareyes gais en Llationamérica.

Freire y Di Bello yá foran autorizaos a casase en payares, cuando la xueza Gabriela Seijas sentenció que yera anticonstitucional la prohibición del matrimoniu ente persones del mesmu sexu. Pero una posterior resolución d’otra xueza plantegó un conflictu de competencies y el Gobiernu de la ciudá de Buenos Aires ordenó que’l Rexistru civil suspendiera la boda hasta que’l Tribuna Supremu dictara sentencia.