UNA felicita a Ḷḷena pola creación de la Comisión de la Memoria Histórica

|

El portavoz d'Unidá Nacionalista Asturiana, Faustino Zapico, fixo llegar una felicitación al Conceyu de L.lena pola creación de la Comisión de la Memoria Histórica y al empar solicitó al Gobiernu d'Asturies que tresllade esta iniciativa al ámbitu asturianu. Los nacionalistes dicen nun entender “la llercia qu'hai a una midida esclusivamente humanitaria como ye que los familiares sepan ónde s'afayen los sos seres queríos, lo que nun habría molestar a naide”.

Zapico calificó la Llei de la Memoria Histórica como una midida publicitaria del gobiernu Zapatero “pa tentar de facese pasar por un gobiernu d'esquierdes”, y esclarió que “se faen precises midíes como les del Conceyu de L.lena pa resarcir a les víctimes del franquismu, sobre manera no que cinca a la localización de tales víctimes”.

Zapico tamién recordó que “nós yá solicitamos públicamente al gobiernu asturianu qu'asuma los costos de la localización de les víctimes del franquismu” y amestó qu'agora “solicitamos que s'axunte a esta iniciativa y la esparda a toa Asturies”.
 
 

Contador Estadistiques