El Bloque por Asturies pide a la Vuelta Ciclista a España que respete la toponimia tradicional

|

El Bloque por Asturies púnxose en contautu a traviés d’una carta con Javier Guillén, Direutor de la Vuelta Ciclista a España, pa recorda-yos a los organizadores de la prueba ciclista qu’usen los topónimos oficiales nes etapes asturianes. Por ello encamentaron a la Oficina de Política Llingüística pa que faiga tolo posible p’algamalo, señalaron al traviés d’un comunicáu.

"Paeznos qu’hai poco que pue resultar tan normalizador como qu'una de les pruebes deportives más importantes del mundu respete los nuestros topónimos tradicionales", sentencien. El Bloque, según señalen, púnxose a la total disposición de los organizadores de la Vuelta Ciclista a España y encamentó-yos que pa cualquier dulda contauten cola Conseyería de Cultura, “que ye la que realmente tien que mirar porque se respete la toponimia oficial”, afiten.

La Vuelta Ciclista a España cumple 75 años en 2010 y va pasar per Asturies los díes 12 y 13 del mes de setiembre viniente.

Contador Estadistiques