David Artime gana’l Premiu de Narraciones Trabe

El candasín David Artime Coto cola novela “La bufanda” ye’l ganador del últimu Premiu de Narraciones Trabe, un de los premios más prestixoses de la lliteratura asturiana que ta dotáu con 3.000 euros.

El xuráu, formáu por Xuan Bello, Antón García, María Antonia Pedregal, baxo la presidencia d'Esther Prieto y actuando como secretariu Inaciu Iglesias, destacó'l bon facer narrativu del autor, amás de la novedá y actualidá de la so temática.
 
"La bufanda" cuenta, dende la perspectiva d'un ultra sportinguista, el problema de la violencia nel fútbol, y les cuestiones qu'arrodien el mundu de les hinchades, especialmente, dende l'apaición de lo que los propios ultres llamen el 'fútbol modernu'.
 
El periodista David Artime Coto yá ganó esti añu la segunda edición del concursu Albidrel de cuentos eróticos n’asturianu Arbidrel, organizáu pol Conceyu de Ribeseya dientro del marco de les actividaes de la Selmana de les Lletres Asturianes.