Portugal va llegalizar el matrimoniu gai, anque nun reconocerá l’adopción

Portugal va convertise nel octavu país del mundu en reconocer el matrimoniu ente persones del mesmu sexu. El Gobiernu portugués dio-y el preste a la reforma del Códigu Civil que va permitir el matrimoniu gai, anque refuga l’adopción pa les pareyes del mesmu sexu. Midida que foi refugada esplícitamente nuna disposición llegal pol Conseyu de Ministros.

La llei sobre matrimoniu gai necesita los votos favoratibles de los partíos d’esquierda representaos n’Asemblea da República; socialistes, nel gobiernu, comunistes y el Bloco de Esquerda. Estos dos últimos son partidarios de permitir l’adopción y ta en dulda’l votu afirmativu del Bloque al nun contemplase esta posibilidá . Mientres que’l Partíu Social Demócrata y el democristián CDS-PP votarán previsiblemente a la contra.