La Tarrancha, Talco y Betagarri protagonistes del Festival Rude Gaita

El sellu autoxestionáu Xunca Records confirmó esti xueves el cartelu definitivu pa la tercer edición del Festival Rude Gaita, nel que van xúbise al escenariu La Tarrancha, Talco y Betagarri. El festival, que vien celebrándose dende avientu de 2007, va tener llugar el sábadu 17 d’Abril na sala Albéniz de Xixón.

Los vascos Betagarri vuelven a Asturies na so xira de presentación de Bizitzari txistuka, discu recién asoleyáu. Mientres que los italianos Talco tán entamando yá a preparar el so siguiente trabayu d’estudiu que saldrá a finales de 2010 y toquen per tercer vez nel nuesu país. Per otru llau, los asturianos La Tarrancha, tán acabantes d’espublizar el so segundu trabayu Ö33.

Los horarios y los puntos de venta de les entraes, que costarán 10 euros anticipada y 12 en taquiella, fairánse públicos nes próximes selmanes. Les entraes anticipaes tarán disponibles de magar la segunda quincena de febreru.