UNA esixe a les Cases Conceyu de la Mancomunidá del Suroccidente que retiren l’ERE de la entidá

Unidá Nacionalista Asturiana de Cangas pide a los Ayuntamientos d’Ibias, Degaña y Pola de Allande que tomen medidas pa evitar “la pérdida del trabayu de tous ya cada ún de los trabayadores de la mancomunidá”.  Dende UNA sofiten la propuesta de la Casa Conceyu de Cangas de rescatar a parte de los trabayadores de la Mancomunidá y almitilos na Casa Conceyu.

Del mesmu mou piden al presidente de la Mancomunidá, el socialista, José Antonio Mesa, a la Alcaldesa d’Ibias y l’Alcalde de Degaña “que faigan lo propio nel sou conceyu pa evitar que los trabayadores nun pierdan el trabayu pola crispación xenerada pol PSOE cangués ya’l gobiernu asturianu”, sentencien.
 
UNA fai un llamamientu a los conceyos del Suroccidente y los sos ciudadanos pa xuntase “escontra la marxinación ya recorte de recursus públicus que ta fadiendu’l PSOE dende Uviéu col consentimientu de las corporaciones llocales del Suroccidente”. UNA esclaria que los trabayadores y ciudadanos nun puen pagar “les males xestiones politiques” y qu’amás el proyeutu va contra’l PXOU y los ciudadanos.