UNA esixe al Principáu qu’achive’l proyeutu de la central de ciclu combináu en Trubia

Unidá Nacionalista Asturiana recrimina al gobiernu asturianu la “insistencia” n'instalar una planta de ciclu combináu na térmica de Gensa, en Trubia. UNA pide al gobiernu asturianu que s'atenga a la llei y a la voluntá de los ciudadanos y archive darréu'l proyeutu de central de ciclu combináu na térmica de Gensa, en Trubia.

Pa Miguel Ánxel Díez, coordinador d’UNA “l'actitú del gobiernu ye llamativa darréu yá que non solo los ciudadanos espresaren delles vegaes la so oposición sinón que'l proyeutu incumple'l PXOU del llugar, amás d'asitiase nuna zona d'eríes”, señala.

Esta insistencia ye según Díez  “una muestra más de la nefasta xestión enerxética del PSOE n'Asturies, mentanto nel restu d'España se potencien les enerxíes renovables, la FSA anecia n'intoxicanos con centrales de ciclu combináu o llinies d'alta tensión como Sama-Velilla”. Con estes aiciones amiesta Miguel Anxel Díez  “el PSOE n'Asturies ta desaniciando los nuesos recursos naturales creando una Asturies que val de vertidoriu d'España”.