Recomendaciones de fin de selmana d'Asturies.com

Llega’l fin de selmana y con él el tiempu llibre, dende Asturies.com recomendavos delles actividaes que se van empobinar esti fin de selmana. Teatru, música, lliteratura y esposiciones enllenen l’axenda d’ociu ástur.
 
Esti sábadu, los amantes del teatru tienen una cita a les 20.15 hores nel avilesín Teatru Palaciu Valdés, cola comedia dramática “El viaje del actor”, que ta basada en tres pieces curties del gran dramaturgu rusu Antón Chejov. Los siguidores del folc tienen una parada indiscutible en Mieres, onde a les 20.00 hores, Tim Edey, multiinstrumentista de la costa sureste del Reinu Uníu, ufrirá un conciertu na Sala Caxastur. Un cuartu d’hora más tarde, en La Felguera, el gaiteru llaniscu Xuacu Amieva dará un conciertu nel Teatru Nuevu.
 
Mientres tol fin de selmana, nel Centru Municipal de Pumarín, tien llugar “Villa Maravilla, Feria del llibru infantil y xuvenil”, na programación mécense tou tipu d'actividaes infantiles: talleres, esposiciones, cuentacuentos, títeres , etc. Tamién na ciudá de Xovellanos, nel Muséu del Pueblu d’Asturies, recomendavos la esposición “El viaxe en tres dimensiones”, que recueye fotografíes estereoscópiques tomaes ente 1890 y la Guerra Civil qu’amuesen l'avance del tresporte n'Asturies.
 
Pa ver más actividaes pal fin de selmana consulta la guía d’ociu Asturiactiva.