L’Academia del Cine Catalán negocia cola española una candidatura catalana a los Oscars

|

El presidente de l’Academia del Cine Catalán, l’actor Joel Joan, afitó güei nuna entrevista na radio pública catalana, que la entidá que preside ta en negociaciones cola so homóloga española pa qu’una película en catalán puea aspirar al Oscar en llingua non inglesa. La intención ye que la institución catalana escueya una película al empar que l'academia española esbillaría una en castellán.
 
L’Academia catalana presentó’l pasáu mes de payares en Hollywood una amuesa de películes en catalán, nel marcu de les primeres xornaes Catalán Movies & Awards in Hollywood. Les xornaes incluyeron un alcuentru ente Joel Joan y el presidente de l’academia americana, Tom Sherak, qu’amosó’l so sofitu a la presencia catalana nos Oscars, anque solliñó que si nun había problemes cola institución española.
 
Anguaño, la industria catalana produz unes 14 películes añales en catalán, un númberu asemeyáu al d´estaos europeos como Holanda.

Contador Estadistiques