Ecoloxistes n’Aición d’Asturies presentó alegaciones contra la concesión d’una llicencia d’actividá solicitada pola empresa ENAGAS pa una planta regasificadora n’El Musel. Los ecoloxistes quieren que s’anicie de nuevu’l procedimientu, al nun respetase los plazos llegalmente establecíos.
 
Denuncien que los plazos d’información pública nun s’axustaron al mínimu de venti díes marcao pola llei, amás que l’anunciu del trámite de la información pública realizóse na prensa escrita, pero nun s’espublizó nel BOPA.
 
Amás, los ecoloxistes señalen que na zona de construcción, namás s’inclúi la regasificadora propiamente dicha, y non los tanques d’almacenamientu. Considerando les dos partes como dixebrables “y una nun pue esistir ensin la otra”, esclarien.
 
Nesti procedimientu, la organización quier que se tenga en cuenta la presencia de zones habitaes a menos de 2.000 metros de la instalación, polo que se debería negar l’actividá o xustificar la decisión adoptada.