Donaire (UXT) diz-y a Javier Fernández (PSOE) qu'espera velu como presidente d'Asturies

|

El reelixíu como secretariu xeneral de MCA-UXT, Eduardo Donaire, despidióse güei del secretariu xeneral de la Federación Socialista Asturiana (FSA-PSOE), asegurando que-y prestaba volver a velu dientro de cuatro años como presidente d'Asturies.

Según informaron asistentes al actu d'Europa Press, el diálogu caltúvose demientres la despidida ente ambos al términu del XII congresu rexonal de la orgnaización sindical, que se celebró nel Auditoriu d'Uviéu, y nel que Donaire salió reelixíu col 82,59 por cientu de los apoyos.

Ente bromes sobre los escesos nos tiempos del turnu de palabra, Donaire manifestó-y el so deséu de velu al frente del executivu asturianu cuando la Federación celebrare'l XIII congresu rexonal, dientro de cuatro años.
 
Dambos participaron güei na segunda y última xornada del alcuentru, a la que tamién asistieron el secretariu xeneral d'UXT Asturies, Justo Rodríguz Braga, y el secretariu xeneral de la federación estatal de MCA-UXT, Manuel Fernández López 'Lito'.
 

Contador Estadistiques