El 50,3% de catalanes votaría sí nun referéndum pola independencia

|

Un 83% de los catalanes camienta que’l so país tien drechu a decidir llibremente’l so futuru políticu, mientres que’l 50’3% votaría sí nun hipotéticu referéndum pola independencia. Asina lo recueye una encuesta del Institutu DYM encargada pola Universitat Oberta de Catalunya, de la que se fai ecu’l diariu “Avui”. La encuesta fízose a 2.614 persones nos díes posteriores al 13 de setiembre, fecha de la primer consulta pola independencia n’Arenys de Munt.

 El 29,6% de los partidarios del drechu a decidir lo fairía por “cansanciu” haza España y tamién por motivos económicos o d’afondamientu de la democracia. Mientres que los partidarios del non, el 17%, son los que más falen de sentimientos y lo fairíen por convicción personal. Curiosamente, los ñacíos en Cataluña son los que más lloñe ven la posibilidá de la independencia, mientres que los que provienen d’otros llugares ven más natural qu’un procesu asina sía posible.
 
Por fasteres, son los xerundenses los que más votaríen pola independencia (64,5%), siguíos pol centru de Cataluña (64,2%) y Tierres del Ebro (63,4%). El sí sería’l ganador en toles zones, mientres que’l non, suma los mayores votos en Tarragona (25,9%) y Barcelona (19,8%).

Contador Estadistiques