Ámbitu mirandés

Llei 7/99 del 29 de Xineru. Reconocimientu oficial de derechos lingüísticos de la comunidá mirandesa
 
L'Asamblea de la República decreta, nos terminos establecíos nel artículu 161 de la Constitución, pa sirvir como llei xeneral de la República, lo que vien darréu:
 
Artículu 1:
El presente testu quier reconocer y promover la llingua mirandesa.
 
Artículu 2:
L'Estáu portugués reconoz el derechu a cultivar y promover la llingua mirandesa, como patrimoniu cultural, instrumentu de comunicación y pegoyu de la identidá de la tierra de Miranda.
 
Artículu 3:
Ye reconocíu’l derechu de los escolinos al aprendizaxe del mirandés, nos términos a regular.
 
Artículu 4:
Les instituciones públiques localizaes o asitiaes nel conceyu de Miranda de l Douro podrán asoleyar los sos documentos acompañaos d’una versión en llingua mirandesa.
 
Artículu 5:
Reconozse’l derechu al apoyu científicu y educativu, teniendo en cuenta la formación de profesores de llingua y cultura mirandesa, nos terminos a regular.
 
Artículu 6:
El presente testu será reguláu nun plazu de 90 díes dempués de la entrada en vigor.
 
Artículu 7:
El presente testu entra en vigor 30 díes dempués de la fecha de la so publicación.
 
Aprobáu’l 19 de Payares de 1998.
 
El Presidente de l’Asamblea de la República, António de Almeida Santos.
 
Promulgáu el 15 de Xineru de 1999
 
Publícase.
El Presidente de la República, JORGE SAMPAIO.
Refrendáu’l 19 de Xineru de 1999.
El Primer Ministru, António Manuel de Oliveira Guterres.
Apartáu Normativu n.º 35/99
 
La Llei n.º 7/99, del 29 de Xineru, reconoz el derechu a preservar y promover la llingua mirandesa, como patrimoniu cultural, instrumentu de comunicacion y pegoyu de  la identidá de la tierra de Miranda.
 
Nos terminos de los articulos 3 y 5 de la mesma llei, cabe regular el derechu al aprendizaxe del mirandés, bien como’l necesariu apoyu loxísticu, técnicu y científicu.
 
Asina, establezse:
 
1 – Los escolinos de los centros d’educación básica y secundaria del conceyu de Miranda de l Douro puen aprender mirandés, como vertiente d’enriquecimientu del currículum.
 
2 – La disponibilidá de la oferta referida nel númberu anterior compete a los centros d’educación básica y secundaria del conceyu de Miranda de l Douro, mediante’l desendolcu de proyeutos que puxen por protexer y promover la llingua mirandesa.
 
2.1. – Los proyeutos deben contemplar finalidaes y metololoxíes pedagóxiques, asina como la identificación de los medios y los recursos necesarios, sobremanera nel ámbitu de la formación de profesores.
 
2.2. – Los proyeutos son aprobaos polos direutores de los Departamentos d’Educación Básica y Secundaria, conforme los niveles d’enseñu en qu’inciden, dempués de ser aprobaos pol director rexonal d’Educación del Norte.

2.3. – Los proyeutos puen desendolcase en comuña con entidaes de la comunidá local, inclús el conceyu y asociaciones culturales, mediante la celebración de protocolos de cooperación.
.
3 – Los competentes servicios centrales y rexonales del Ministeriu d’Educación proporcionen l’apoyu loxísticu, técnicu y científicu que se presenten d’alcuerdu colos proyeutos contemplaos nesti apartáu.
 
Ministeriu d’Educación. 5 de Xunu de 1999.- El Ministru d’Educación, Eduardo Carrega Marçal Grilo.