Falanoncaduca prepara los temes del so primer discu

El grupu de ska Falanoncaduca atópase trabayando nel local d’ensayu no que va ser el so primer discu, que s’asoleyará pal branu de 2010. Ensin nome afitáu, el discu tendrá ente 10 y 15 cantares, dalgunos yá interpretaos en direutu y otros que tán componiendo. Por mor de la preparación de la grabación, el grupu tará un tiempu ensin xubise al escenariu.

Musicalmente, el so primer trabayu apostara polo qu’ellos definen como “mecigayu son”, una mezcolanza de soníos que, teniendo’l ska folixeru como puntu referencia, amiéstase a otres influencies estremaes como son el surfing, punk-rock, funk, rapmetal o’l folk mestizu. La banda cuenta con tener delles collaboraciones nel discu.
 
Falanoncaduca, formada por mozos de L.lena, Uviéu y Xixón, dio trenta conciertos en dos años. Anuncien qu’en navidá darán dalgún conciertu especial, sicasí, hasta’l branu viniente, nun volverán xubir a un escenariu.