Suatea dencuncia que la enseñanza concertada reciba más inversión que la pública

|

Suatea vien de denunciar, al traviés d’un comunicáu, que la Conseyería d’Educación faiga un aumentu de la inversión na enseñanza concertada mui per riba del de la pública. Dalgo, que pal sindicatu, ye vezu d’unos años p’acó, lo que produz “la reducción y subordinación de la rede pública a los intereses de la empresa privada”.

Según informen, de cada trés euros destinaos a la pública van dir cuatro pa la concertada, asitiando la escuela publica nun carácter asistencial y subsidiariu, esclarien. Pa Suatea, la empresa privada ta invadiendo’l terrén de los públicu, utilizando l’enseñu como empresa privada o axente de dogmatización relixosa, recordando’l modelu de Margaret Tatcher de los años 80.
 
El sindicatu que temes como la carrera profesional cola so evaluación lligada a les retribuciones, el nuevu concursu de tresllaos o la disminución de requisitos mínimos de los locales pa impartir la docencia, son exemplu del procesu de privatización de la enseñanza.

Contador Estadistiques