El Paru sube en 2.310 desemplegaos n'Asturies en payares, un 3,26 por cientu

El númberu de paraos rexistraos nes oficines del Institutu Nacional d'Emplegu (Inem) nel Principáu algamó en payares la cifra de 73.097 desemplegaos, lo que supón un aumentu de 2.310 paraos más sobre  ochobre, informó güei'l Ministeriu de Trabayu y Inmigración.

En términos relativos, l'aumentu del paru al acabar el mes de payares n'Asturies foi del 3,26 por cientu respeuto al mes anterior. En rellación a payares del 2008, el paru incrementóse en 14.846 persones, un 25,49 por cientu.

No que respeuta al paru masculín, ésti asitióse nel Principáu en 33.995 persones.
  
Por sectores, el paru subio en Servicios (1.578), na construcción (381), na Industria (208), n'Agricultura (17) y en 126 nel colectivu sin emplegu anterior.