La Guardia Civil detién en Xixón a un home de 29 años por supuestes allabancies al terrorismu al traviés d'Internet

Efectivos del subgrupu de Ciberterrorismu de la Guardia Civil con sede en Madrid procedieron güei, a les 13.30 hores, a detener en Xixón a A.O.R., de 29 años d'edá, como supuestu autor d'un delitu d'allabancies al terrorismu al traviés d'Internet. L'arrestu forma parte de la denomada operación 'Arpon'.

Según informó la Guardia Civil al traviés d'una nota prensa, el deteníu publicó dellos comentarios nuna rede social d'Internet, nos que supuetamente humildaba y se moflaba de los dos guardies civiles asesinaos nel atentáu terrorista cometíu'l día 30 de xunetu del 2009 na población de Calviá (Baleares), a la vez que xustificaba dicha aición.
 
L'actuación enmárcase nes dilixencies previes que se siguen nel Xulgáu Central d'Instrucción númeru 4 de l'Audiencia Nacional.