Pintar-Pintar busca nueves histories

La editorial asturiana Pintar-Pintar, especializada nel ámbitu de los álbumes ilustraos, ta a la busca de testos n'asturianu de Lliteratura Infantil y Xuvenil colos qu'entamar nuevos proyectos d'edición. Pintar-Pintar tien tres llinies editoriales bien definíes: divulgación, poesía ilustrada y narrativa.
La editorial recibiera'l pasáu añu 2008 el premiu nacional al llibru infantil meyor editáu. Asina mesmo rescampla la edición de les obra "Arroz, agua y maíz" de Berta Piñán, testu ganador de la primer edición del premiu MªXosefa Canellada; y "El viaxe de Tin y Ton" de Miguel Rojo premiáu pola crítica d'Asturies na so versión en castellán.
Los interesaos podrán ponese en contactu cola editorial enantes del mes de febreru pente medies d'esti formulariu de contactu.