Xornada añal de la Fundación Caveda y Nava

La Fundación Caveda y Nava va celebrar la so sétima Xornada anual el próximu 28 de payares nel conceyu de Villaviciosa cola novedá del nomamientu de Vicente Gotor, Rector de la Universidá d'Uviéu, como Patronu d’Honor de la Fundación. Les palabres d'acoyida va pronunciales José Suárez Arias-Cachero, na so doble condición de Conceyal de Cultura d'Uviéu y Patronu de la Fundación.
Per otru llau na mesma xornada va proyectase "en videu dalgunos de los testimonios grabaos n'ediciones anteriores ente los miembros del patronato", y tamién "una pieza de promoción, percuidada formalmente, na qu'amosamos los nuesos argumentos yá conocíos y la nuesa propuesta de redacción del artículu cuartu del Estatutu d'Autonomía".
Toos estos actos emprincipiarán el sábadu 28 de payares a les doce de la mañana frente a la casa natal de Caveda y, como novedá, continuarán na sé de la Fundación José Cardín, na cai Eloisa Fernández, númberu 2, de Villaviciosa.