La Universidá d’Uviéu algama’l Campus d’Escelencia

|

La Universidá asturiana foi escoyida ente les nueve primeres universidaes españoles cola acreditación de Campus d’Escelencia Internacional. El Conseyeru d’Educación, José Luis Iglesias Riopedre, valoró esti fechu de “gran ésitu que permitirá’l futuru desendolcu de la Universidá y de la sociedá asturiana”.
 
El xuráu internacional valoró sobre too la especialización de la Universidá nos campos de Biomedicina y Enerxíes Alternatives, asina como la conexón col texíu productivu al traviés de les empreses y de los clusters. La selección supondrá un creitu de 7,5 millones d’euros, un creitu a devolver que permitirá impulsar estos proyeutos.
 
El Conseyeru, que fixo estes declaraciones dende Madrid, quixo agradecer del mesmu xeitu, l’esfuerciu realizáu en tolos ámbitos y amosóse gayoleru pol beneficiu pal conxuntu del país.

Contador Estadistiques