Zelaya encamienta a la comunidá internacional que nun reconoza les elecciones del próximu domingu n'Hondures

El presidente depuestu d'Hondures, Manuel Zelaya, encamentó esti fin de selmana a la comunidá internacional a nun reconocer les elecciones del 29 de payares, al tiempu que criticó'l papel d'Estaos Uníos por llexitimar estes elecciones, pese a que'l secretariu xeneral de la Organización d'Estaos Americanos (OEA), José Miguel Insulza, aseguró que Washington "tovía espera un xestu de les persones pa da-y cursu al procesu".

El mandatariu depuestu unvió esti domingu una carta a los gobernantes de tol continentes, solicitándo-yos el so apoyu pa nun evitar les elecciones, y repitió les sos crítiques a l'alministración de Barck Obama por "llexitimar el Gobiernu golpista reconociendo les elecciones presidenciales" del próximu domingu.

De la mesma manera, Zelaya insistió en que la comunidá internacional debe "caltener la so firmeza na execución de les resoluciones aprobaes tanto pola OEA, la ONU y la Unión Europea, nun adoptar posiciones ambigües o imprecises, como la que despliega'l Gobiernu d'Estaos Uníos, que cola so postura vino a debilitar el procesu de tornar el golpe d'Estáu mostrando división de la comunidá internacional".
  
Na carta unviada 24 hores enantes de que se celebre'l conceyu del Conseyu Permanente de la OEA en Washington p'analizar la situación n'Hondures, Zelaya afirma que "los grandes esfuerzos y intentos de la comunidá internacional pa tornar la situación acabaron nun fracasu pa toos".
  
Nesti contestu, el dirixente depuestu alvirtió de que "llexitimar los golpes d'Estáu per mediu de procesos electorales falsos divide y nun contribúi a la unidá de les naciones d'América".