Celebración poles 10.000 semeyes de "Doi la cara"

El Conceyu Abiertu pola Oficialidá (CAO) va celebrar el 28 de payares en La Pola Siero les 10.000 semeyes de la campaña 'Doi la cara pola oficialidá'. Los actos entamarán a les 12.00 hores con una partida de bolos na que participará'l ciclista Chechu Rubiera y l'ex futbolista del Sporting Cundi. Darréu d'ello vendránlos xuegos tradicionales y una sesión de cuentacuentos de la mano de Mlio'l del Nido. A les 19.00 tendrá llugar l'alcuentru de pandereteres, cola participación de Nerbia, Herbamora, Fitoria, Melarde y Cantaruxare, que protagonizarán un pasucais, cola presencia de los Sidros de Valdesoto. L'Amagüestu col qu'acabará la xornada será nel Antiguu Bancu Central, de magar les 21.00 hores. Amás de sidra y castañes pa degustar, contaráse coles actuaciones de Toli Morilla, Anabel Santiago, Duerna, Pandereteres de Fitoria y La Curuxa.