El Gobiernu asturianu conseña un aumentu de la ufierta d'asturianu na enseñanza primaria concertada

La directora xeneral de Política Llingüística, Consuelo Vega, conseñó l'aumentu de centros d'enseñanza concertada qu'ufren l'asignatura de llingua asturiana nel nivel de primaria. Según les cifres que dispón el Gobiernu, pasóse del 10,9% durante'l cursu pasáu al 18,1% nel actual. Na pública, l'aumentu foi mínimu, del 90,4% al 90,6%.

La directora xeneral de Política Llingüística afitó como "esti añu onde hai un saltu grande ye na concertada. Ye la que porcentalmente crez más, porque ye onde más pue crecer". Na primaria pública, sicasí l'aumentu foi mínimu, pasando del 90,4% al 90,6% de los centros, por cuenta que'l "campu de crecimientu ye muncho mas reducíu".

Según Consuelo Vega, "l'oxetivu ye siguir creciendo". D'esti mou dio anuncia de que según vaya averándose'l próximu periodu de matriculación intensificaránse les campañes pa siguir aumentando estes cifres.