Bloque por Asturies denuncia un casu de discriminación llingüística
|
18 Payares, 2009 por Pablo R. Alonso
- Inicie sesión o rexístrese pa espublizar comentarios
El Bloque por Asturies ta acabante de denunciar pente un escritu dirixíu al coordinador del 112 d´Asturies, César Álvarez Avello, un posible casu de discriminación llingüística por cuenta del "tratu que recibió una muyer, yá mayor, al facer usu del serviciu d’atención a los ciudadanos nel so idioma maternu, l’asturianu".
Según denuncien dende Bloque "los fechos según consta na denuncia recibía asocedieron el xueves pasáu cuando una muyer se punxo en contactu col 112 y al intentar comunicase en llingua asturiana la única respuesta que recibió de la trabayadora que taba na centralita ye 'qu’ella nun la entendía', una respuesta que se repitió varies veces mientres la usuaria intentaba comunicase por tolos medios n’asturianu".
En palabres d'Ignacio González Fernández, responsable de Movimientos Sociales de la formación asturianista, "esti fechu grave de por sí, vulnera l’Estatutu d’Autonomía, la Llei d’Usu y Promoción del Asturianu y el Pactu de Gobiernu, amás de tolos convenios internacionales y derechos fundamentales de la persona, onde se recueye que ninguna persona pue ser discriminada pol usu de la llingua. Estó tovía ye más grave si asocede nun serviciu como’l 112, onde les persones tienen que tar capacitaes pa entender cualquier tipu d’incidencia, y más nesti casu porque, según la denunciante, la trabayadora a parte de nun facer nengún esfuerzu por entender a una ciudadana a la que-y correspuenden tolos derechos independientemente del idioma qu’use, nin siquiera se-y dio la posibilidá de comunicase con otra trabayadora.que tuviera capacitada p’atendela".
Dende'l Bloque afiten que "somos conscientes de la importancia que tien el 112 d’Asturies pa tola población a la hora d’asistir cualquier tipu d’incidencia, y de les circustanices de nerviosismu nes que munches veces se manden d’esti serviciu los usuarios. Paeznos que la seguranza de les persones nun pue depender del caprichu de nengún trabayador a la hora d’intentar entender a un usuariu nun idioma que nun supón mayor problema de compresión".
Finalmente González pide al coordinador del 112 d´Asturies "que tome les midíes pa qu’esto nun vuelva asoceder y nun tengamos que llamentar cualquier desgracia por un abandonu inxustificáu. Los servicios públicos páguense colos impuestos de tolos contribuyentes y nun tien razón de ser que teniendo les mesmes obligaciones nun tengan los mesmos derechos".
Efrén d'Andrés
Comentarios
Dos coses:
1) Si esto se demuestra, la persona responsable d'esa actitú tien que tar a estes hores empapelada y con un pie na cai. Esi teléfonu nun ye pa participar en caxigalines, ye pa pidir ayuda y esto agranda descomanadamente la gravedá del sucesu.
2) Los denunciantes que lleven el casu a la Xunta Xeneral, y a los círculos políticos (pactos, etc.) onde tán participando. Cuando se ta nes instituciones hai que les utilizar p'ayudar a los ciudadanos.
Ye grave l'asuntu anque nun sé. Nuna llexislatura que lleven nel gobiernu y la media d'esta -lo que quier dicir 6 años- sólo ven esti casu como menospreciu pa col asturianu? Y los milenta qu'hai cada día?
Otru exemplu de xenofobia e intolerancia española, ¿Quién son los que imponen? Ya ta bien!
Lo de estos peselbreros del bloque pola duerna y tirar del tetu ye gordo .Lo de la paisanina esta tirayos de los coyones , ellos ya tan en campña electoral joder . ¿Nun veis que los de la FSA-JONS ya nun-yos da mas que siga el pactu de gobiernu que nun siga? . Son simplemente cipayos de Arheces , eso si salen baratos conformense coles migayes y de vez en cuando un poco de esllaba y tira que llibres .