Softastur entama unes xornaes d'instalación de software llibre n'Uviéu

Uviéu va acoyer un taller d'instalación del sistema operativu Ubuntu n'asturianu'l esti próximu vienres y sábadu. Concretamente'l vienres 20 a les 19:00 hores va desendolcase una charla d'averamientu a Ubuntu y al software llibre y el sábadu 21 de 9:00 a 14:00 y de 15:00 a 21:00 hores va tener llugar el taller d'instalación d'Ubuntu. Esa iniciativa parte de Softastur y cuenta col sofitu de la Xunta pola Defensa de la Llingua Asturiana.

Según los responsables de Softastur,como n'otres ocasiones pretende "enseñar y/o instalar a tolos interesaos un sistema operativu que-yos permita manexar un ordenador n'asturianu dafechu".

Esta actividá va allugase nel Llar Solidariu, cai La Gascona 12, baxu A d'Uviéu, ye de baldre y ta abierta a tol mundu. Namás hai que traer el ordenador portátil o la CPU. Pa más información los llectores pueden consultar esti enllaz.