La Facultá de Filoloxía acueye un congresu sobre’l patrimoniu oral d’Asturies

La Facultá de Filoloxía de la Universidá d’Uviéu va acoyer la celebración del Congresu Internacional “El patrimoniu oral d’Asturies. Balances y perspectives”. Les conferencies van tener llugar nel Salón de Conseyos del Departamentu de Filoloxía Española demientres esti martes 17 de payares y hasta’l día siguiente.
 
Los actos tán empobinaos pol Seminariu de Filoloxía Asturiana y l'Archivu de la Tradición Oral del Muséu del Pueblu d’Asturies y quieren facer un balance de lo fecho hasta’l momentu y plantegar los retos del futuru pa la recuperación y dignificación d’esti patrimoniu. Les conferencies abarcaran el romanceru, los cuentos, el refraneru o’l cancionaru tradicional del país.
 
L’actu inagural será’l martes 17 a les 9.30 de la mañana y, darréu, vendrá la primer conferencia, a cargu del profesor de la Universidá de California Samuel G. Armistead, con una ponencia sobre’l romanceru tradicional asturianu. Pues descargar el programa del congresu pinchando equí.