Les ventes de coches suben n'Asturies un 51,5% na primer quincena d'ochobre

|

Les matriculaciones d'automóviles nel Principáu d'Asturies algamaron les 900 unidaes nos 15 primeros díes d'ochobre, lo que supón una subida del 51,5 por cientu con respeuto al mesmu periodu del 2008, según datos del Institutu d'Estudios d'Automoción (IEA), facilitaos pola Asociación Nacional de Vendedores de Vehículos a Motor (GANVAM), que representa a 2.400 concesionarios y 3.000 compraventes. Nel conxuntu d'España, les ventes aumentaron un 27,8 por cientu, hasta algamar les 37.265 unidaes nesta quincena.
   Por segundu mes sigíu, según IEA, el mercáu automovilísticu ofrez clares muestres de recuperación, animáu poles ayudes directes del Plan 2000E, con un puxu que permitió superar notablemente les cifres de ventes nel últimu mes y meyorar llixeramente les pesimistes previsiones de mercáu pal conxuntu del añu.
   Les matriculaciones na canal de particular --que tán siendo los principales beneficiarios d'esti plan-- acabaron la primer quince d'ochobre con un crecimentu del 64,1 por cientu d'Asturies, lo que representa un total de 817 unidaes puestes nel mercáu.
   Pela so parte, les compres efectuaes poles empreses d'alquiler baxaron un 11,1 por cientu hasta un total d'ocho unidaes comercializes, mientres qu les ventes a empreses non alquiladores esperimentaron la mayor cayida, con un 13,8 por cientu y 75 unidaes matriculaes.

Contador Estadistiques