El númberu d'hipoteques baxó en xunetu n'Asturies casi un 10%, mientres que la media estatal baxó un 15,5%

El númberu d'hipoteques rexistraes n'Asturies demientres el pasáu mes de xunetu foi de 206 por cada 100.000 habitantes, datu inferior nun 9,9 por cientu del mismu mes del añu pasáu. Nel casu del Estáu, la media foi de 267 hipoteques por cada 100.000 habitantes, un 15,5 por cientu menos qu'en xunetu del 2008.
   Según datos del Institutu Nacional d'Estadística, fechos públicos güei y recoyíos por Europa Press, el valor mediu de les hipoteques n'Asturies en xunetu foi de 131.897 euros, lo que supón un incrementu interañal del 1,9%. A nivel nacional, l'importe mediu ye de 133.873 euros, lo que supón una variación interañal del -14,4%.
   Per otru llau, el Principáu rexistró nel citáu mes 105 finques con cambios nes condiciones de les sos hipoteques por cada 100.000 habitantes, perbaxo de les 135 de media española. De la mesma manera, n'Asturies canceláronse rexistralmente en xunetu 103 hipoteques por 100.000 habitantes, y nel conxuntu d'España 117.