Areces confía n'algamar nueves conexones aérees a últimos d'añu y acusa al PP de desear una "ruina total" p'Asturies

|

El presidente del Principáu d'Asturies, Vicente Álvarez Areces, mostró la so confianza en que'l Gobiernu asturianu llegará enantes d'últimos d'añu a acuerdos p'aumentar les conexones aéres dende l'aeropuertu de la rexón, "hasta con más d'una compañía", dao qu'aeguró que les conversaciones con elles "tán mui avanzaes".

   Areces referíase asina a les exixencies del voceru del grupu parlamentariu d'IU-BA-Verdes, Jesús Iglesias, en cuanto a les conexones aérees, y aseguró que "ye cierto que l'aeropuertu tuvo problemes dempués d'un despegue notable". "Evidentemente, nun tamos satisfechos del comportamientu que tuvieron les compañíes aérees", dixo Areces, qu'indicó que los gobiernos van facer "tolo posbile hasta onde puean".

   Dixo que'l d'Asturies ye'l tercer aeropuertu del norte en cuanto a tráficu de viaxeros, y afirmó que magar los problemes, l'aeropuertu asturianu llogró avanzar nos sos oxetivos.

   Aseguró que l'Executivu ta falando con munches compañíes, pero poro naide debe creer que la viabilidá de los vuelos dende Asturies va caltenese dende la inyeición de dineru públicu, sinón que'l Gobiernu apoyará actividaes de promoción hasta onde la llibre. "Créanme, que con toes elles tamos falando y amás contamos con Air France, una compañía qu'hai qu'aprovechar", dixo Areces.

LA "RUINA" DEL PP

   En referencia a la intervención del voceru popular, Ovidio Sánchez, "dixo que'l presidente del PP d'Asturies tien una catásfrote na cabeza", y un fonderu deséu de qu'Asturies seya una "ruina total".

   Cargó contra Sánchez, y díxo-y que la mayor prueba de que los asturianos nun lu creen ye que "lleva perdiendo elecciones dende l'añu 1999". Consideró "increyible" que Sánchez dixere que la so figura taba amorizada. "La semeya del perdedor ye la suya", apuntó'l presidente rexonal.

   En rellación al reproche d'Ovidio Sánchez de qu'ayeri nin el secretariu xeneral de la FSA-PSOE, Javier Fernánez, quiso escuchar a Areces, ésti criticó'l "atrevimientu" del dirixente del PP, porque Fernández taba nel senáu realizando votaciones, que ye la so obligación.

   El xefe del Executivu dixo que'l PP nun pue falar d'estabilidá, porque tolos asturianos recuerden que los populares somorguiaron a Asturies nuna "fondera crisis". Amás, señaló que nun va tener nengún éxitu nel so intentu de provocar diferencies ente los socialistes.

   De fechu, dixo que ye'l propiu Sánchez el que tien dificultaes pa dirixir al so propiu partíu, dao que "ta cuestionáu permanentemente" por  miembros del PP. Nesti puntu, Areces lleyó nel Plenu declaraciones del alcalde d'Uviéu, Gabino de Lorenzo, y del ex ministru de Fomentu, Francisco Álvarez Cascos.

   "Usté torna en crisis tolo que toca", espetó-y Areces a Ovidio Sánchez, y refugó'l calificativu de "chiringuitos" pa les funciones y entidaes públiques del Principáu, porque Asturies tien el segundu sector públicu más reducíu del país. Recomendó a Sánchez que s'interese polos "chiringuitos" qu'existen n'Uviéu o que repase'l volume públicu en comunidaes gobernaes pol PP, como Valencia o Madrid. "Debería tar usté xubiláu dende nun sé cuando", añadió Areces.
 

Comentarios

MENOS INSULTASE Y MÁS TRABAYU !!!!!!!!!

Gabis

Contador Estadistiques