L'Asociación Cultural Los Vaqueiros d'Alzada constitúi los premios al 'Vaqueiru Exemplar' y a la 'Braña Exemplar'

L'Asociación Cultural de Los Vaqueiros d'Alzada La Brañina constituyó los premios al 'Vaqueiru Exemplar' y la 'Braña Exemplar', qu'entregará n'ochobre del 2010 coincidendo col décimu aniversariu de l'asociación y con carácter añal.

   Según informó la organización, dichos premios reconocerán el llabor y esfuerzu de los que viven en les brañes asina como d'aquelles persones que, siendo vaqueiros o non, defendan la cultura vaqueira. Tamién va distinguise a la Braña Exemplar pol esfuerzu de los sos vecinos na recuperación del so patrimoniu natural, arquitectónicu, caminos y cultura.

   L'asociación afala "a tolos conceyos del Occidental d'Asturies a que constituyan asociaciones de vecinos o culturales pa la recuperación de la cultura vaqueira, y solicitar meyores nos sos respeutivos llugares", y encamienta a los ayuntamientos y al Principáu que "tolos beneficios que xeneren los molinos eólicos se dediquen al desarrollu de les brañes y la meyora de les condiciones de vida de los vaqueiros".