Mediu Ambiente abre una investigación pola muerte de pexes na ría d'Avilés

La Conseyería de Mediu Ambiente investiga la muerte de pexes asocedida na ría d'Avilés esta selmana. Depués de conseñar la presencia de pexes muertos na ría, la Guardería de Calidá del Agua de la Conseyería recoyió los restos p'analizalos así como amueses del agua, col oxetivu d'averiguar si hai dalguna causa qu'afite y clarifique la causa de la muerte de los pexes. El Colectivu Ecoloxista yá denunciare'l llunes al Principáu'l vertíu d'una sustancia oleaxinosa na ría.

Asimesmo, dende la Conseyería espresen "el deseu de qu'énte cualesquier comprobación de vertíu o incidencia medioambiental bien por parte d'un particular o de dalgún representante de colectivos ecoloxistes, les denuncies formúlense acompañaes de tola información y pruebes posibles, lo que facilitará que les averiguaciones se faigan con más elementos de xuiciu y s'algamen resultaos concluyentes de les mismes nel menor tiempu posible".