La Generalitat entiende que les 60 consultes pola independencia previstes en Cataluña tán dientro de la llegalidá

La Generalitat evitó pronunciase sobre la consulta pola independencia que'l domingu realizó Arenys de Munt (Barcelona) y sobre la voluntá d'una sesentena d'ayuntamientos catalanes de promover otres esta seronda. Sicasí, consideró que les consultes sobre l'autodetermín de Cataluña promovíes por entidaes cíviques tán "dientro de la llegalidá", siempre que nun cuenten col apoyu de los ayuntamientos. Aseguró qu'esti foi'l casu d'Arenys.

   Na rueda prensa posterior al Consell Executiu, la conseyera de Trabayu y vocera del Gobiernu, Mar Serna, dixo que los conseyeros llendáronse güei a constatar que la consulta fízose "n'orde y sin problemes", pese al riesgu d'enfrentamientos ente falanxistes y independentistes.

   Aseguró que "nun ye nenguna novedá" que los trés partíos del Gobiernu tengan posicionamientos distintos sobre lo que tien que ser Cataluña a llargu plazu. Recordó qu'ICV-EUiA ye ecosocialista, el PSC "socialista-federalista) y ERC apuesta pola independencia.

   "Nun se faló" de la consulta d'Arenys más p'allá de felicitase pol dispositivu policial y porque nun hubo incidencies", dixo Serna.

   La conseyera tamién indicó que'l Gobiernu nun tien constancia de que se quieran promover en Cataluña próximes consultes, pese a qu'ediles d'ERC y tamién de les EPM --formación rellacionada con ICV-EUIA-, tán presentando mociones al respeuto n'ayuntamientos catalanes pa que se voten nel plenariu.

   "Al Gobiernu lo que-y toca ye velar porque estes consultes puean facese sin incidencies, garantizar la llegalidá y la convivencia, y evitar problmes d'orde públicu", dixo.

   Les consultes "formen parte de la posibilidá" que tienen les entidaes d'espresase, siempre que respeten la llei, añadió.

   Estes declaraciones de Serna en nome del Gobiernu prodúcense al día siguiente d'un intensu intercambiu de declaraciones ente PSC y ERC, amos socios na Generalitat y de moderación.

   Ante estes palabres, el presidente d'ERC, Joan Puigcercós, consideró'l mesmu llunes que Chacón "debe tar más cómoda cuando hai vilencia", puesto, sin ella, nun hai argumentos pa oponese a consultes independentistes como la d'Arenys de Muntu. El viceprimer ministru y voceru del PSC, Miquel Iceta, espresó'l so apoyu a les palabres de Puigcercós, y dempués el republicanu retrucó que ye ERC la que debería tar molesta poles declaraciones de Chacón.

   El presidente de la Generalitat, José Montilla, afirmó que'l cumplimientu de les lleis en xeneral y del Estatut en particular valen pa evitar los estremismos.