El BOPA asoleya la nueva toponimia oficial de Parres
|
14 Setiembre, 2009 por Pablo R. Alonso
- Inicie sesión o rexístrese pa espublizar comentarios
El Boletín Oficial del Principáu d'Asturies asoleyó esti llunes 13 de setiembre'l Decretu 112/2009, de 2 de septiembre, pol que s'afiten los topónimos oficiales del conceyu de Parres. La nueva toponimia foi aprobada na reunión selmanal del Conseyu de Gobiernu del pasáu día 2. Les nueves denominaciones, aprobaes pola Xunta de Toponimia y yá col preste del Gobiernu asturianu y asoleyaes nel BOPA, pasen polo tanto a tener la consideración de denominaciones oficiales.
Ente los cambeos aprobaos, rescampla que la capital del conceyu pasa a denominase únicamente Les Arriondes. Hasta agora un total de 40 conceyos del país oficializaron los sos topónimos tradicionales y otros 20 entamaron esti procesu.
La llista de nuevos topónimos puede consultase nesti enllaz (PDF).
Efrén d'Andrés
Comentarios
Too ta mui bien, pero agora lo que fai falta ye que dende l'alministración usen de verdá la toponimia oficial. Cuando-yos interesa bien que s'escuden en que l'asturianu nun ye oficial, pero cuando les deonominaciones de los llugares del nuesu país algamen esi estatus siguen ignorando les sos propies disposiciones oficiales.
Lo llegal, como siempre, contra l'asturianu: cuando convién (en contra del idioma) aplicase la llegalidá, cuando non (a favor del idioma), ignórase.
Otru pasiquín nesti llabor q tantu nos lleva. Asina va caltriando pocu a pocu la llingua de los nuestros güelos.
Ún del conceyu Parres.